Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: اختبار ذكاء للمتفوقين فقــــــــــــــــــــــــــــــط السبت 14 فبراير 2009, 4:22 am | |
| [b]أختبار اللغة العربية انشاء الله هنشوفك السنة الجاية يا باشا وقت الاجابة : خلص نفسك و اجري
اسم الطالب / تايه فى الدنيا الواسعه نوع الطلب / علمي علمك عدد الطلبات واحد شاى واتنين كازوزه عنوان المنزل (( في حالة الانتحار)) / اول ناصيه نفس الشارع تليفون المنزل : اتنين صفر و اربعه خضر هذا الامتحان برعاية مصلحه الاحداث(الاصلاحيه) دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها وراك وراك
ملاحظة: يستوجب الادوار العاليه ( في حالة انك حبيت تنط من الشباك ( يسمح بالغش من اللي وراك أو اللي قدامك أو اللي جنبك طبعاً ماحدش عارف حاجة عشان يديك يا حلو السؤال الأول 10 درجات قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات و بقيتي يا دنيا ماشية عالسقفة و عالصاجات هزيها براحة براحة .. تفضلي على طول مرتاحة هزيها بشويش بشويش .. خلي الشعب يعيش
الأسئله
1_ اشرح الآبيات الاربعة الاخيرة من النص بما لا يقل عن 90 سطرا باختصار شديد 2_لماذا أكد الروائى على القصد و النية الصادقة ، و علام يدل قوله ((هزيها بشويش بشويش )) 3_استخرج من البيت الاول محسن نبيل و محسن حسانين مبيناً نوع كل محسن منهما .
4_ استخرج من البيت الثالث صورتين فوريتين مبينا نوع الكاميرا
((((((((((((السؤال الثاني ( 8درجات))))))))))))))))
أعط أسباب ما يلي مع شرح وافي : ياعم كبر يا عم بص .. ده حتى بص ده الواد بيلظ
1_تم نقل السوق المالي إلى سوق السمك ؟
2_إقبال الناس الى شراء نوكيا 9990 و عدم شراء نوكيا 9900 ؟ 3_إغلاق شبكة الأخبار Pnn بعد زواج شارون ستون ؟ 4_أسباب اندلاع الحرب بين ..... ما فيش فرق، اختر أي حرب، ماهو انت هتعيد السنه كده كده
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
السؤال الثالث –اختياري5درجات اكتب الاسم المستوفى من السؤال
ما اسم الراجل اللي حط كرتونة قلبظ رقم - 966504 - في سيارة نقل القاهرة رقم – 000000نقل رمسيس - ؟
فاصل إعلاني: غمض عين فتح عين ... اشتري بيتزا تاخد اتنين هذاالعرض ساري حتى نهاية الوقت المحدد للإمتحان
السؤال الرابع 10درجات
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة "
الأسئلة ****ماذا كان يريد ان يقول عمرو دياب للمزة *****ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ****ما اسم صبي الخياط بتاع ام الموديل اللي كانت مع عمرو في الكليب
*****توضيح شامل لمقاس رجل الموديل السؤال الخامس
موضوع تعبير
قال أحدهم: " حسن زعبولا .. ماشي بيدلع .. محندق الجاكيته و بيتعايق بالقلة "
أكتب مقطوعه عن حياة ابو حسن زعبولا (( الحاج زعبولا (( و اذكر 3 اسباب عن سبب انفصال الحاج زعبولا عن زعفرانه (( زوجته الاولى ))
بيبسي كولا
المشروب الرسمي لهذا الامتحان
*** أخي الممتحن أقلب الصفحة أحسنلك (( اصلك مش عارف اللي فيها ((
السؤال السادس )20 درجه (
اجب عن أربعة فقط من الأسئلة التالية
==========
****** ما رأيك بتصرفات " رفيع " و " فرحة " في مسلسل الضوء الشارد ؟ مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو(
*****ما رأيك بموقف "احمد" من "زينب" في مسلسل طلباتك اوامر
***** من برأيك أقوى وأفضل بوكيمون - هل هو – بيكاتشو
**** اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002
عرض موبينيل الجديد من مسدج أبو رنه ، اشتري كارت بـ500 جنيه و احصل على نص جنيه في الرصيد مجاناً
سؤال المساعدة ( لرفع الدرجات ) و ملهوش لازمة اساساً
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية ب – أذكر أسماء زوجات 5 ممن ماتوا في قصف مدينة هيروشيما الكولومبيه عام 6500 بالقنبلة الذردية على أن تكون إحداهن شقراء وشعر اسود
انتهت الاسئلة و نلقاكم في امتحان الدور التاني انشاء الله وتوزيع ارقام الجلوس بالمجان مع الدسكات
| |
|
mony عضو فضى
عدد الرسائل : 406 العمر : 32 كلية ايه يا باشا : التجاره تاريخ التسجيل : 04/02/2009
| موضوع: رد: اختبار ذكاء للمتفوقين فقــــــــــــــــــــــــــــــط الأحد 15 فبراير 2009, 10:57 pm | |
| ههههههههههههههههههههههههههه بصراحه انا مش عارفه الحل بس اكيد المدرس اللى حاطت الامتحان عارف جاوب؟؟؟؟ | |
|
محمد عيد مشرف
عدد الرسائل : 256 العمر : 35 الفرقة : الرابعة تاريخ التسجيل : 21/10/2008
| موضوع: رد: اختبار ذكاء للمتفوقين فقــــــــــــــــــــــــــــــط الأحد 15 فبراير 2009, 11:09 pm | |
| | |
|
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: اختبار ذكاء للمتفوقين فقــــــــــــــــــــــــــــــط الإثنين 16 فبراير 2009, 1:17 am | |
| ههههههههههههه انا مش استاذ المادة دية انا استاذ مادة اخري بس برضه مش عارف اي جواب شكررا شباب علي مروركم | |
|