الرئيسيةس .و .جبحـثالأعضاءالمجموعاتشوف القنوات اونلاين chat el tegaraالتسجيلدخول

شاطر | 
 

 زهقاااان من حياتك ليه ؟؟مين السبب؟؟؟؟

اذهب الى الأسفل 
كاتب الموضوعرسالة
Elprince
مشرف
مشرف
avatar

عدد الرسائل : 459
العمر : 29
الموقع : www.tegara.alafdal.net
كلية ايه يا باشا : التجاره والاداره والفن والمهاره
الفرقة : التالتة
تاريخ التسجيل : 19/09/2008

مُساهمةموضوع: زهقاااان من حياتك ليه ؟؟مين السبب؟؟؟؟   السبت 27 سبتمبر 2008, 7:03 pm

بطالة .. وسايط ... اسعار غالية ....... كوسة ....... حوادث مرور ...

ضرايب ... دروس خصوصية ... تعليم بايظ .... ... ........ ........ ........... .......... الخ



طب وانت عايش ليه ؟


ما هو استسلامك لكل المشاكل دى انتحاااااار ...


بس تصدق ؟...... انت مش مستسلم ..... انت بتعمل مظاهرات

بس مظاهرات على مين ؟

ايا كان اللى بتعمل مظاهرات ضده ........ فهيكون مش هو المسئول عن كل المشاكل دى

لان المسئول الوحيد هو انت ........ انت المسئول





اللى فات ده مش هو الموضوع .... لكن هو يعتبر وشوشة فى ودانك قبل ما تقرا الموضوع ......

كل واحد عنده مشاكل ... كل عيلة عندها مشاكل .... كل مجتمع عنده مشاكل .... كل دولة عندها مشاكل ...... كل امة عندها مشاكل .......

اللى يهمك مشاكلك ومشاكل عيلتك ومشاكل مجتمعك ومشاكل مصر ومشاكل الامة الاسلامية والعربية .

فى واحد عنده مشكلة ويحلها ...... ازاى ؟

فكر فيها ....
عرفها...........
فكر فى حل .......
معجبوووووووش........
فكر فى حل تانى ..........
حاول ينفــــــذه................
للاسف مقدرش ...................
اتضايق ... لكنه مستسلمش..........
فكر تانى وتالت وراااابع ........................
لحد ما لقى حل تانى ...............................
نفذه ....... وقدر يخرج من مشكلته وبقى سعيد ........

بقى سعيد لانه قام بكل الخطوات دى ...

انما احنا بنلاقى مشكلة ونتجاهلها لغاية ما تتراكم علينا المشاكل ونبدأ نتضايق من اى حاجة حوالينا و بقينا فى حالة سخط من كل شئ حتى من انفسنا ..... عمرنا ما هنتقدم ولا هنحل مشاكلنا واحنا فى الحالة دى .

عارفين الابكم ؟ ........ اللى مش قادر يتكلم ويعبر عن نفسه ؟؟؟؟؟ وعن اللى متضايق منه ؟؟؟؟؟

بيصرخ ويزعق ويتضايق من كل اللى حواليه ......

متضايق ومش عارف يعبر

وكذلك الطفل الصغير اكتر حاجة يتضايق منها انك متكونش فاهمه .

تخيل اننا بقينا كدة ؟؟؟؟؟؟

الوضع نفسه يضايق

على فكرة ؟

احنا كمصريين مش احنا بس اللى بنواجه مشاكل ...... او بمعنى اخر انى مقصدش مشاكل مصر بس
لكنى اقصد مشاكل امتنا كلها .

الموضوع محتاج مناقشة سريعة ....... ومش محتاج ابدا اننا نكون صناع قرار .... لا
محتاج فقط اننا نكون حاسين بالمشاكل اللى بنواجهها فى حياتنا .. ...

رايي المتواضع انه كان هدفنا من المناقشة هو ايجاد حل .. فعلينا ان نبتعد عن الفكر المعارض الساخط والمتشائم ......
و ايضا عن الفكر المتفائل جدا فى وسائل الاعلام واللى بيحسسنا ان الدنيا بمبى

ولكن لنكن على الحياد وننظر الى القضية بشكل موضوعى ونوقن تمام اليقين ان وضع مصر ليس بالسواد الذى يراه البعض .. فى الوقت الذى لا ننكر فيه وجود مشاكل .... ولكن دائما هناك امل فى غد افضل







المهم عشان مطولش عليكم .......

كل اللى محتاجه منكم قبل مناقشة اى حاجة خالص


تقرير بسيط جدا .....

بدايته فضفضة "احكى عن كل المشاكل بوجه عام وعن طرق حلها "

وبعدين فى صورة تفصيلية .... سرد المشكلات 1 2 3 وكذلك الحلول





عارفين ؟

فى رايي كل مشاكلنا - بدون مبالغة - ممكن تتحل لو فقط عرفناها وقررنا نحلها

مثال بسيط

التعليم : بتشتكى منه .... حاول ولو مرة تلاقى له حل وتعرضه على اى حد ولو مدرس .. والنقطة دى بتفرق اذا كان لك الحق انك تعارض الحكومة ... او ان ميكونش ليك حق انك تتكلم اصلا



يعنى من الاااااااااااااااخر

حاول


حاول


حاول


عشان مفيش حد يكون عنده حجة

والا مفيش حد هيسمعلك

ومش هيكون لك حق تتكلم اساسا


........................




ارجو ان تكونو فهمتم قصدى
وفى ملاحظه
لو كنت فى محاضرة .... ومسالتش ولا سؤال .... دة معناه تلات حاجات :
1 - انك فاهم كل حاجة
2 - او انك تكون مش مهتم بالموضوع من اساسه
3 - او انك يائس من الدكتور المحاضر ومتوقع انه اما ميردش على سؤالك او مش هيفهمك

كذلك حياتنا ......

مش معقولة مصر مثلا مفيهاش مشاكل ....

لكن سكوتنا بيعبر عن التلات فروض السابقة

1 - مفيش مشاكل .... ودة فرض شبه مستحيل .. خاصة فى مصر
2 - مش هاممنا نحل مشاكلنا ولا نتقدم ولا اى حاجة..... ودة اغلبية الشعب .. السلبية
3 - المعارضة .. سخط عام على كل شئ .. مش راضيين عن اى حاجة فى البلد .. عايزين يجيبوا البلد على الارض ويبنوها على كيفهم .. دة رايي بكل صراحة فى معظم بل جميع قوى المعارضة فى مصر .. بلا استثناء


فى ناس هتتهمنى بالتناقض ..... ازاى سكوت وازاى معارضة
المعروف ان المعارضة صوتهم عالى ..... ازاى احطهم من ضمن فروض السكوت

هقول ان السكوت دة معناه التخلى عن مسئوليتنا تجاه نفسنا وتجاه مجتمعنا وتجاه الوطن وتجاه الامة
لكن الصح اننا نفكر بكل الطرق السليمة اننا نوصل لحقوقنا .... الطرق الشرعية اللى تحبط اى حجة

مثال بسيط : مشكلة فى العمل .. سببها رئيس العمل .... اشتكى النقابة الاول ... ولا المفروض ابعتله مذكرة بشكوتى ... باحتجاجى عن وضع معين .... عشان اما اشتكى النقابة او الوزارة مثلا ... ميقولش .. مكنتش اعرف


لكن الصوت العالى عامل زى بالظبط صراخ الابكم ..... اللى مش عارف يعبر عن مشكلته ....

وطبعا دة مالوش اى فايدة ...... وضرره اكتر من نفعه

اتمنى يكون اللى انا اقصده وصل ليكم




تذكر دائما ان الشتاء هو بداية الصيف
والظلام هو بداية النهار
والامل هو بداية كل شئ فى الدنيا بما فيها السعادة
عيش كل لحظه كأنها اخر لحظه فى حياتك
عيش بالايمان عيش بالامل
عيش بالحب وقدر قيمة الحياة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed medoo
عضو برونزى
عضو  برونزى
avatar

عدد الرسائل : 251
العمر : 28
كلية ايه يا باشا : تـــــــــــــــــــــــــــــجـــــــــارة
الفرقة : التانية
تاريخ التسجيل : 23/10/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الأحد 23 نوفمبر 2008, 11:02 pm


مش عارف ازاى مفيش حد رد على موضوعك دا

بصراحه موضوع جامد بس شكله مش عجب حد ممكن يكون لثلاثه اسباب:
1-مش مهتمين بالموضوع.

2-مش عاوزين يحلوا مشاكلهم

3-مش فارقه معاهم

شكراااااا على الموضوع الجامد دا وياريت يبقي اكتر فاعليه من كداااااااااااااااااا

والناس تهتم اكتر من كدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Romio
مشرف
مشرف
avatar

عدد الرسائل : 1051
العمر : 27
الموقع : tegara.alafdal.net
كلية ايه يا باشا : التجارة
تاريخ التسجيل : 09/11/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الإثنين 24 نوفمبر 2008, 1:30 pm

لية ياميدو لازم نرد علي البرنس موضوعاتة جميلة
واحنا علي رايك يابرنس احنا بلد كوسة كل ماشي بالكوسة واللحمة المفرومة
معاك فلوس تدوس معكشي فلوس هتنداس
البلد دية بايظة في حاجات كتير وانت قولتهم الضرايب والحوادث والخ..ويجب حل المشاكل لكي تكون مصر سالمة عامرة
شكرررررررررررررررررررررررررررا علي الموضوع ونستني المزيد

_________________
الحب وردة ذات أشواك
كلما كانت جميلة كثرت
حولها الأشواك
عندما تنام كل العيون تظل
عين الحب وحدها ساهرة
الحب يكون أقوي عندما
يعطي أكثرؤ مما يأخد romoioyassin@yahoo.com
Gog0_2010_2@hotmail.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed medoo
عضو برونزى
عضو  برونزى
avatar

عدد الرسائل : 251
العمر : 28
كلية ايه يا باشا : تـــــــــــــــــــــــــــــجـــــــــارة
الفرقة : التانية
تاريخ التسجيل : 23/10/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الإثنين 24 نوفمبر 2008, 2:54 pm


حد يمسك روميو دا

الواد دا من المعارضه

ههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Elprince
مشرف
مشرف
avatar

عدد الرسائل : 459
العمر : 29
الموقع : www.tegara.alafdal.net
كلية ايه يا باشا : التجاره والاداره والفن والمهاره
الفرقة : التالتة
تاريخ التسجيل : 19/09/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الإثنين 24 نوفمبر 2008, 6:59 pm

مشكورين جدا يااحمد وروميو على المرور والرد
والموضوع اكيد بس محدش خد باله منه
وانتو اللى مواضيعكم اجمل والله
وان شاء الله نحاول نطبق الكلام ده لانه حل لمشاكل كتييييييييير

_________________
تذكر دائما ان :
الليل هو بدايه النهار
والشتاء هو بدايه الصيف
والالم هو بدايه الراحه
والتحديات هى بدايه الخير
والتفاؤل بالخير هو بدايه القوة الذاتيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bird love
مشرف
مشرف
avatar

عدد الرسائل : 323
العمر : 29
الفرقة : التانية
تاريخ التسجيل : 24/10/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الثلاثاء 02 ديسمبر 2008, 1:01 am

بجد يابرنس موضوعك جاااااااااااااااااااااااااااااااااااااامد جدا اكتر من رائع
بص انا بصراحة مكنتش اعرف حاجة عن اللى موجود فى المجتمع او بمعنى
بتجاهل اى حاجة فى السياسة بس فى حاجات تانية انا ماقدرش انى اتجاهلها
زى الحوادث اللى بتحصل كل يوم زى الاغتصاب زى الفتوى ان اى حد يطلع ويقول
كل حاجة من نظره هو وبس بس صدقنى يابرنس اللى معاه فلوس بيدوس الصغير بمعنى
الغنى بيدوس على الفقير ومش كلهم عشان محدش يقولى حاجة ويغلطنى فى ناس وناس
بس الاغلبية ده قانونهم قانونهم هو الفلوس والهوان والذل
بجد لازم نحل المشاكل دى بس فعلا لو كل دولة عربية اتحدت مع بعضيها وكل
واحد مايقولش يلا نفسى اكيد هنبقى دولة غنية جدا وننعم بسلام بس فين
شكرا ليك وانا اسفة على الاطالة وياريت اكون وصلت جزء من وجهة نظرى
ميرسى ليك اوى وعلى موضوعك الجامد ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Elprince
مشرف
مشرف
avatar

عدد الرسائل : 459
العمر : 29
الموقع : www.tegara.alafdal.net
كلية ايه يا باشا : التجاره والاداره والفن والمهاره
الفرقة : التالتة
تاريخ التسجيل : 19/09/2008

مُساهمةموضوع: رد: زهقاااان من حياتك ليه ؟؟مين السبب؟؟؟؟   الجمعة 05 ديسمبر 2008, 11:29 pm

وجهه نظرك وصلت فعلا
وانا بتفق معاكى فى الرد بس هرجع واقول والله اللى عاوز يصلح الدنيا
يبدا بنفسه اولا ثم اولا ثم اولا
لان كتير جدا من الحضارات والتقدم كانت من شخص واحد
عظماء العالم كلهم كانو واحد بس مش مجموعه
واحد بس قرر انه يصلح المجتمع اللى هو عايش فيه فبدا بنفسه ومن ثم بياثر على كل اللى حواليه
اتمنى يكون المعنى وصل ومشكوره جدا على الرد

_________________
تذكر دائما ان :
الليل هو بدايه النهار
والشتاء هو بدايه الصيف
والالم هو بدايه الراحه
والتحديات هى بدايه الخير
والتفاؤل بالخير هو بدايه القوة الذاتيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زهقاااان من حياتك ليه ؟؟مين السبب؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
THE FACULTY OF COMMERCE :: من القلب للقلب :: خلينا نحل مشاكلنا can we solv our problems-
انتقل الى: