`" هو أنت راجل ؟؟ هو أنتى ست ؟؟ ياترى ده ليه علاقه بحياتنا وحبنا ؟, موضوع هام جدا للجميع

السلام عليكم ورحمة الله وبركاته

اهلا بيكم مجددا
أصدقائى
طبعا الكل بيستغرب من أسم الموضوع
بس حقيقى هوه ده الكلام المقصود من الموضوع
والفكره انا طرحتها قبل كده بس حابب اننا نعرضها بشكل أكبر وموضوع موسع من جميع الأتجاهات
طبعا الموضوع أسمه :
`` هو أنت راجل ؟؟ هو أنتى ست ؟؟ ``
انا لسه هكرر السؤال تانى بس من أتجاهات كتيره
أولها
ياترى ليه السن مرتبط فى الحب براجل ولا ست ؟ وليه الفرق ده
فى حياتنا كل يوم مشاكل وخلافات مع الى بنحبهم وسببها تقريبا الكلمة والمعنى ده ( أنا راجل ) لاء ( أنا ست )
كل واحد حابب يشوف نفسه كويس !
هو يعنى أيه راجل ؟؟
هو يعنى ايه ست ؟؟

ياترى ليه لما بنقول كلمة بحبك ؟؟ نقول لاء انا ست مقدرش أقولها ؟؟

فى مشكله فى حبنا طب ايه السبب ؟ علشان أنا الراجل وانتى الست ؟؟

انا سبت المناقشه مفتوحه
وكلنا بالتأكيد هنشارك الموضوع مهم جدا وواحده وواحده هنسأل أكتر
ونعرف ياترى ؟؟ بعد أذنكم هعيد السؤال تانى !
هو أنت راجل ؟؟ هو انتى ستى ؟؟

فى أنتظار مشاركتكم وارائكم
أتمناها مشاركات جاده وفعاله

موضوع هائل
بس برده مش كل الحب ال بنقول في كلمه امراة ورجل
بس ده بيظهر لما يكون فى نوع من العند يعنى طرف يكون عنيد فيستغل الكلمة ده
للوصول هدف معين عايز يحققه
يعنى مثال
الرجل عايز الست تعمل حاجه معينه وهى رفضه او مش عايزة
فيستغل كلمه وينطق ويقول انا الرجل ولازم كلمتى تمشى
والعكس برده
بس ده مش فى كل الساعات
فى لحظات او ثوانى محدوده جدا
بس الحب حب
مافيش فيه تغير ولا بيفرق بين الرجل والست
حتى لما بنقول الست مش تقول كلمه بحبك الاول على الاقل بتلمح ان فى اعجاب ثم فيه حب ومابعدها من مراحل

انا شيفي ان ممكن فعلا الواحده تلمح لحد بتحبه
مفيش مشكله زي مابيقولوا علينا كده يا بنات
ترمي شباكها
لكن هتبقي حاسه ان الاحساس متبادل

هو طبعا الحب لايفرق بي الراجل والست
لانهم بيكونو روح واحده وجسدين
لكن دا مينكرش ان لكل قاعه شواذ ولازم فى وقت معين
اقول انا راجل وهى تقول ان هى ست
لو كان الموضوع متعلق بالكرامه وكده

اولا الموضوع جميل ... وانا رأيى من رأى البرنس لان في مواقف معينه لازم تفرض علينا ان الراجل يقول انا الراجل والست تقول ان هى الست ...

موضوعك جميل اوى يا ادمين هو راى انا ان الحب ميعرفش سن سواء كان كبير او صغير ولما الست او الحبيبة تقول كلمة بحبك لزوجها او حبيبها مهيش عيب خالص لانها حاسة ومتاكدة ان الشعور متبادل وانه ايضا بيحبها وفعلا ساعات فى مواقف يبقى فيها الراجل راجل والست ست بمعنى على راى نظرة وداع لو الاتنين داخلين فى دور عند وعايز يطلب منها حاجة بس يكون بشرط انها تنفذه من غير تفكير من غير تعرف الطلب اللى طلبه هى هتقدر تنفذه ولا لا والست ايضا تكون فى مواقف هى الست ده راى يا جماعة ومش عيب ان الست تقول لحبيبها انا بحبك
وشكرااااااااااااااااااعلى استماعك ليا يا ادمين وننتظر منك المزيد ويارب اكون وصلت لك وجهة نظرى

بصوا المعروف ان الراجل راجل والست ست يعنى مينفعش الراجل ياخد دور الست او العكس والاتنين ليهم حدودهم في الكلام والتعامل دا شئ اساسي لازم نعرفه..
اما ان البنت تعبر للشاب عن مشاعرها ممكن بس يكون في حدود المعقول ... طيب سؤال ؟؟؟ لو في حد عاوز يعبر لواحده عن مشاعره ومش عارف يعمل اييييييييييييييييييييييييييييييييييييييييييييييييييييييييييييييييييييييييييه؟؟؟؟؟ I love you

ايوة يا احمد لو فى حد عايز فعلا يعبر مشاعره لواحدة يروح يقولها الاول انه معجب بيها وبيحبها قبل مايتعلق بيها زيادة عن اللزوم والله واعلم مش يمكن تكون مرتبطة بحد تانى فلازم يروح يصرحلها بمشاعره ومهوش عيب لما يصرحلها يروح ومن غير تفكير يقولها ولو معرفش ممكن يتوسط حد صاحبه بس انا من راى انه يروح يكلمها دى بجد بتبقى شعور جميل من اللى بيحب ويارب اكون وصلت راى فى موضوعك

طيب ولو الحد دا مش لاقي الانسانه اللى يعبرلها عن مشاعره

هو بيحب بس مش عارف مين بس هو حاسس بحب جميل جداااااا

اجمل حب هو عايشه حبه مع خياله

شكرا على الموضوع الجميل
الموضوع ده فى كل وقت وفى كل بيت بس من الضرورى ان الراجل يقول انا الراجل والست تقول انا الست
لان كل واحد فيهم لى دور داخل البيت وكما يقول الحديث الشريف(ص) :كلكم راع وكل راع مسئول عن راعيته
صدق رسول الله (ص)..

راى دور على الانسانة اللى تستاهل حبك ده
شوف حبك ده لانهى واحدة
وساعتها كرر هتحب مين