محمد عيد مشرف
عدد الرسائل : 256 العمر : 35 الفرقة : الرابعة تاريخ التسجيل : 21/10/2008
| موضوع: 6طرق للانتحار...تدخلك الجنه وليس النار ونت مستريح الثلاثاء 03 فبراير 2009, 2:53 am | |
|
طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة، ده غير إنه كمان بيودي النار، لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛ لأن اللي ميت منتحر الحكومة بتسميه شهيد بالصلاة ع النبي.. هنا 6 أنواع للانتحار بيدخلوا الجنة.. الطريقة الأولى:
لو عايز تنتحر وماتبقاش منتحر في نفس الوقت عليك وعلى كلية تجارة واستنى يا معلم على السلم بتاع اى مدرج ولما تيجى المحاضرة تطلع اتشاهد ويا رب يعرفوا يطلعوك من كتر الناس الى فوقيق
الطريقة التانية:
ركوب الأوتوبيسات اللي بتطلع على الكباري وهي متكدسة بالبشر زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا، والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا، وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش، وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك مكافآت كمان.
الطريقة التالتة:
بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني..
الطريقة الرابعة:
حج البيت لمن استطاع إليه سبيلاً.. تجهز كل تحويشة عمرك وفي الغالب مش هتكفي إنك تطلع للسعودية طيران، يبقى يا معلم مفيش غير العبارة، ناقص بس تلبس ملابس الإحرام وأنت في العبارة عشان تكون متكفن جاهز وشوية وهتغرق بيك المركب ولو ما موتش غرقان يبقى القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"!
الطريقة الخامسة:
أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت.
الطريقة السادسة:
محدش فينا ماسمعش عن الطريق السريع وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك تتلكك وتروح أي مشوار بيعدي من على الطريق السريع، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر.. ايون يا عم
ههههههههههههههههههههه
انا عن نفسى افضل موتت ربنا
| |
|
Romio مشرف
عدد الرسائل : 1051 العمر : 33 الموقع : tegara.alafdal.net كلية ايه يا باشا : التجارة تاريخ التسجيل : 09/11/2008
| موضوع: رد: 6طرق للانتحار...تدخلك الجنه وليس النار ونت مستريح الأربعاء 04 فبراير 2009, 12:43 am | |
| - الكود:
-
[img][/img] ههههههههههههههه بجد جميل اوي الموضوع وهوحقيقي في بلدنا دية وعجبتني هههههههههه بجد الموضوع جميل اوي وهي حقيقة موجودة في بلدنا وعجبتني حتة الانتحار عن طريق افران العيش ربنا يسهلها علي الشعب المظلوم ويخلصنا من فساد الظالم (الحكومة)شكررا يامحمد بجد علي الموضوع وانت متميز في مواضيعكي حتة انك تنتحر في افران العيش يارب سهلها علي الشعب وخلصنا من الحكومة الظالمةوانا برضة يامحمد افضل موتت ربنا واي انسان يتمني هذا شكرررا | |
|
mony عضو فضى
عدد الرسائل : 406 العمر : 32 كلية ايه يا باشا : التجاره تاريخ التسجيل : 04/02/2009
| موضوع: رد: 6طرق للانتحار...تدخلك الجنه وليس النار ونت مستريح الخميس 05 فبراير 2009, 2:05 pm | |
| بجد موضوع جميل بس برده فى كل الاحوال هى موته والسلام واللى ربنا كتبه هيكون وشكرا على الموضوع الجميل ده | |
|
mony عضو فضى
عدد الرسائل : 406 العمر : 32 كلية ايه يا باشا : التجاره تاريخ التسجيل : 04/02/2009
| موضوع: رد: 6طرق للانتحار...تدخلك الجنه وليس النار ونت مستريح الخميس 05 فبراير 2009, 2:08 pm | |
| بجد موضوع جميل بس برده فى كل الاحوال هى موته والسلام واللى ربنا كتبه هيكون وشكرا على الموضوع الجميل ده | |
|
mony عضو فضى
عدد الرسائل : 406 العمر : 32 كلية ايه يا باشا : التجاره تاريخ التسجيل : 04/02/2009
| موضوع: رد: 6طرق للانتحار...تدخلك الجنه وليس النار ونت مستريح الخميس 05 فبراير 2009, 2:10 pm | |
| بجد موضوع جميل بس برده فى كل الاحوال هى موته والسلام واللى ربنا كتبه هيكون وشكرا على الموضوع الجميل ده | |
|